سابح فى بحر الجلالة:
يا حلوه يالى شاغلى قلبى من قديم وزمان،يا مبيتانى بيكى طول المدى سهران،انا عمرى مشربت خمرة بس بالحليوه سكران،عينى على عسكرى ومعلق رتب مأمور،من يوم مراح وهوه مأمور،فيه اللى يجى بمزاجه والتان بالحديد مجرور،من يوم مشرب الود واهو للعتب مجرور،ديما بنادى الرجال يرونى كاسات النور من غير ورقه و قلم تجينى المعانى سطور،رجال مع "الله"ليهم لمح بالعين وديما يراضيهم،عاشو الغرام للغرام وخفيت معانيهم،عاشو المدام للمدام،عاشو الامام للامام،بانت معانيهم فى لمح خالى المعانى ليهم كاس يناديهم،انزل لجمع الحبيب"النبى"وانت تلاقيهم،مساكين فى جار الحيط وديما العناية تراضيهم.
جانى جواب الرضا ومدحت معانيهم،انتم رجال المدد ليه العشم فيكم،عايش فى درب المعانى وبلاغى بالحب معانيهم،على مراسم الذات فيه لذات،يالى انت غاوى البنا لازم تدارى الطوب،وتستر على العيب وتصلح المعيوب،شغل الرجال ستر بيصلحو المعيوب،استر على العيب يا مريد،اذا استويت فى المدامه يفصلولك توب، شغل الرجال مش كلام شغل المدد محسوب،دفرق بين السليم واللى بالحب مضروب،الباب فيه قدر مكتوب اللى يصفى السريرة بيصبولو المشروب ويعيش فى وسط الحبايب ديما يبات مغلوب،اكمنه صفى الارادة حسبوه الرجال محسوب،وجابى دفاتر الهوى لقو اسم الولد مكتوب.
شويش "الاربعه" مكتوبة اساميهم،يا شويش الاربعه على مراسم الذات فيه لذات،وعامل الادارة فى البلد وجامع الحرس ليهم،الصايع اللى يصاحب البحرين،تعالى خش الرحاب واخمر يمكن يجيلك حرف،ومن فنجان الغرام زيتو على مصابيح الجمال دقوا للعابد صلابين،على مراسم المعرفه ودينى واسقينى،يا خمريا امر يا مشرب الوافى،يا جوهر احوالى،يا غرام قلبى والحال يشغلنى،وما لمنيتى سوى غرام الغرام.
عليل وصبحت بيكو مضروب،من يوم مخدونى الرجال وانا عينى على المحبوب،اعيش فى وسط الحبايب يمكن فى لمحه اتوب،انزل ديوان المدد واشرب من العلامات،عيش على المعنى بيهم وزمزم الكاسات،يا سر باب الاسرار،مراسم الذات فيها لذات،عينى على بنت ليها خمر بالليل شربوه رجال سادات،مالك ومال البنيه يا اللى انته جاى عيان.جانى جواب السعادة وانا قلبى يابا طار،يا عينى على اللى عليه قدم السعاده دار،غفلان عنها ولكن صادفته الاقدار،من يوم مشرب وجسمه قايد نار.
دارى جمالك يا ليلة دالرجال انوار،من يوم مشربو الخمور وعينهم على الخمار،بيسكرو بلا كاس والسكر ميه نار،خالى المعانى اسرار،شال البلاوى فى الخلاوى علشان ياخد الرجال على الدار.
تسرنا زيارتك رأيك يهمنا