في الساعات الماضية، حل مطرب الراب ويجز ضيفا على برنامج حكي ثاني الإذاعي، والذي كشف من خلاله عن اسلوبه الفني في الغناء، ورؤيته لأفكار الجيل الحالي والماضيين.. موضحا أفضل الأعمال التي أثرت في مسيرته الفنية وغيرت من أسلوبه الفني، وذلك بعدما تصدرت أغنياته الأخيرة أميرة وويجز.
وقال ويجز في تصريحاته الإذاعية: مش كل المصريين بيفهموني، وفيه 2 أو 3 من جيلي على الأقل عاشوا اللي أنا عشتوا، ومش كل الناس عاشت بنفس الطريقة، والزمن بيتغير، الناس اللي عندها 50 سنة، أسلوب حياتهم مكنش نفس أسلوب الحياة دلوقتي.
وتابع مطرب الراب ويجز حديثه قائلا: علشان أنا بسمع كل حاجة، ومعنديش مشكلة أعمل شوية تنويع في الأغاني، والبخت تعتبر النقلة النوعية في حياتي علشان الكلمات، وعلشان بعيدة عن الراب، والراب أغنية برتم سريع، بحاول ألخص كل حاجة في 3 دقائق، بس فيه أغاني تانية بتتكلم عن حاجات أخرى مثل البنات، وأنا معنديش مشكلة أقول أي حاجة الصراحة.
وأشار ويجز إلى طريقة كتابته للأغاني قائلا: الموضوع مش صعب خالص، والعملية بتيجي من كتر ما أنا بسمع حاجات كتير مختلفة، وبعمل أغاني كذا حاجة، ومش بنحصر في أغاني الراب.
تسرنا زيارتك رأيك يهمنا