هاجمت الإعلامية ياسمين عز، مقدمة برنامج «كلام الناس» المذاع على قناة إم بي سي مصر، على تصريح الفنان محمد عطية بشأن تأييد «المساكنة»، أي أن تعيش المرأة مع الرجل في منزل واحد وممارسة جميع طقوس الزواج ولكن قبل الزواج رسميا، وعندما يكتشفوا أنهم صالحين لبعضهم يعلنوا زوجهم رسميا.
ياسمين عز توجه رسالة نارية لمحمد عطية
وقالت ياسمين عز خلال برنامجها: «الأيام دي الواحد بيسمع تصريحات مبيعرفش يعلق عليها.. عايزين توصلوا الناس لإيه؟ يعني إيه نعيش مع بعض من غير جواز وبعدين نشوف إحنا مناسبين ولا لا.. فين الدين اللي بيقول كدة؟ إزاي شخصية المفروض إنها قدوة تقول كلام خطير بالشكل دة».
وتابعت ياسمين عز حديثها: «ملناش دعوة بـ كريستيانوا وجورجينا واللي بتحضر فرحها حامل.. احنا لا عادتنا ولا ديننا بيقول كدة، مفيش حاجة اسمها مساكنة، السكن زوج وزوجة في بيت واحد بعقد شرعي.. المساكنة دي تقلل منك لازم يكون في مجهود الراجل يعمله عشان يتجوزك فتبقي غالية عنده إنه يسيبك».
وكان قد قال محمد عطية في تصريحات تليفزيوينة: "ممكن أتجوز من غير دين المهم تكون انسانة، ده أصلًا لو أتجوزت لأن الزواج عُرف بشري إخترعوه بسبب الزراعة، ولو أنا بحب إنسانة ليه ندخل المُجتمع والقوانين بينا؟" لأ الأنسب نتجوز من غير عقد بإننا نعمل مساكنة لأن المعظم بيتجوز عمياني، مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف هينفع نعيش مع بعض ولا لأ".
تسرنا زيارتك رأيك يهمنا